bitar-hamartar

Karaktere-kateekin lan eginez; kopuru bat sistema bitarrean emanik, dagokion zenbaki hamartarra lortu nahi da.

Abiapuntuko zenbaki bitarrak alde osoa eta alde dezimala badu, polinomioa aplikatuko zaio baina koefizinteak hauek direla:

• Alde osoarako: ... , 3, 2, 1, 0
• Alde dezimalerako: -1, -2, -3, -4, ...

Ariketaren enuntziatu laburra hau da:

• XXXXXX.YYYYYYYYY formatuko zenbaki bitar bat karaktere-kate bezala teklatuaren bitartez irakurri, eta dagokion zenbaki hamartarraren karaktere-katea lortu.

Enuntziatu horretatik ondokoa ondorioztatzen da:

• Teklatuz irakurritako sarrerako karaktere-katea XXXXXX.YYYYYYYYY da.
• Emaitza den zenbaki bitarren karaktere-katearen neurria zehazteko, hau gogoratu:
• 1 bit, 0 [0] eta 1 [1] artekoak
• 2 bit, 2 [10] eta 3 [11] artekoak gehi aurreko biak
• 3 bit, 4 [100] eta 7 [111] artekoak gehi aurreko lauak
• 4 bit, 8 [1000] eta 15 [1111] artekoak gehi aurreko zortziak
• 5 bit, 16 [10000] eta 31 [11111] artekoak gehi aurreko hamaseiak
• 6 bit, 32 [100000] eta 63 [111111] artekoak gehi aurreko guztiak
• 7 bit, 64 [1000000] eta 127 [1111111] artekoak gehi aurreko guztiak
• 8 bit, 128 [10000000] eta 255 [11111111] artekoak gehi aurreko guztiak
• (9 bit), 256 [100000000] eta 511 [111111111] artekoak gehi aurreko guztiak
• (10 bit), 512 [1000000000] eta 1023 [1111111111] artekoak gehi aurreko guztiak
• (11 bit), 1024 [10000000000] eta 2047 [11111111111] artekoak gehi aurreko guztiak
• XXXXXX bitarraren hamartar nagusiena 63 izanik, 2 bitekin nahikoa da.
• YYYYYYYYY hamartar nagusiena 511 denez, 3 bitekin nahikoa da.
• Sarrerako-katea: 16 karakterekoa (6 alde osoa, 1 puntua eta 9 alde dezimala).
• Irteerako-katea: 2+1+3=6 karakterekoa (2 alde osoa, 1 puntua eta 3 alde dezimala).

---

BitarHamartar_01.pas

Programa honek teklatuaren bitartez jasotzen duen datua karaktere-kate bat da. Datuak baldintza zorrotz hauek bete beharko ditu, eta programak baldintza horiek aztertzen ditu:

• Alde osoan 6 karaktere izan behar dira.
• Alde osoaren 6 karaktereak 0 edo/eta 1 zifrak izan behar dira.
• Alde dezimalean 9 karaktere izan behar dira.
• Alde dezimalaren 9 karaktereak 0 edo/eta 1 zifrak izan behar dira.
• Alde osoa eta alde dezimala banatzen duen 7. karakterea puntua izango da.

Hauek dira, adibidez, onartzen diren sarrerak:
    000111.000111000    111111.111000111    100100.100100100

Baldintza guztiak betetzen badira, bihurketa burutzen da bi etapak betez:

1. Alde osoarekin biderketak egiten dira 2-ren potentziak kalkulatuz (irudian 111111 datuak potentzia hauek erabiliko ditu 2⁵, 2⁴, 2³, 2², 2¹ eta 2⁰).
2. Alde dezimalarekin biderketak egiten dira ere 2-ren potentziak kalkulatuz (irudian 000000001 datuak potentzia bakar hau erabiliko du 2^-9 gainerako koefizienteak zero direlako).

Hauxe da ariketari erantzuten dion BitarHamartar_01.pas iturburu-programa.

---

BitarHamartar_02.pas

Programa honek teklatuaren bitartez jasotzen duen datua aztertu egiten du:

• Datuaren karaktereak egokiak diren frogatzen da lehenik, onartzen diren karaktereak zeroak, batekoak eta puntua dira. Karaktere desegokiren bat edo batzuk ematean lehen karaktere desegokiaren berri emango du programak.
• Datuaren karaktereak egokian badira, karaktereen kopuruak aztertzen dira:
• Datuaren alde osoak gehienez 6 karaktere izango ditu.
• Datuaren alde dezimalak gehienez 10 karaktere izango ditu.
• Punturik ez badago, zenbat karaktere dauden kalkulatzen da eta alde osoaren prozesatzeari ekiten zaio, behar izanez gero datuari hainbat zero aurretik gehituz. 
• Punturik badago:
• Alde osoak zenbat karaktere dituen kalkulatzen da eta alde osoaren prozesatzeari ekiten zaio, behar izanez gero hainbat zero aurretik gehituz.
• Alde dezimalak zenbat karaktere dituen kalkulatzen da eta alde dezimalaren prozesatzeari ekiten zaio, behar izanez gero hainbat zero atzetik gehituz.

Hauek dira, adibidez, onartzen diren sarrerak:
    001.000111000     0.111000111     111000     .111000111
    111000.000111000     111000.     1.000111000     1100

Baldintza guztiak betetzen badira, bihurketa burutzen da bi etapak betez:

1. Alde osoarekin zatiketak egiten dira bihurketa bitarra burutuz. Baina orain alde osoaren karaktere kopurua kalkulatu beharra dago eta aintzakotzat hartu, ez delako beti 6 izango.
2. Alde dezimalarekin biderketak egiten dira bihurketa bitarra burutuz. Baina orain alde osoaren karaktere kopurua kalkulatu beharra dago eta aintzakotzat hartu, ez delako beti 3 izango.

Hauxe da ariketari erantzuten dion BitarHamartar_02.pas iturburu-programa.